تجربتى مع غسول الاكسجين الكورى من شركه فارم استاى

 السلام عليكم ورحمة الله وبركاته 

إنهارده هتكلم معاكم عن تجربتى مع غسول الأكسجين الكورى من شركه فارم استاى 

_فى البداية هقولكم المنتج كان مكتوب عنه إيه وبعد كدا هقولكم خلاصة تجربتى الشخصيه 

_المنتج كان مكتوب عنه

غسول الاكسجين من فارم ستاى 

FARM STAY O2 PREMIUM AQUA FOA CLEANSING 100ml

يقوم بتنظيف البشره بعمق وازاله الاتربه والاوساخ والشوائب من البشره كما يساعد على التخلص من الجلد الميت وتنظيف المسام بعمق والتخلص من الدهون الزائده

 يحفز تجديد خلايا الجلد

 كما يقوم ايضا بترطيب البشره وتغذيتها بالاكسجين

 مناسب لجميع انواع البشره 

يمكن استخدامه لعمل مساج للوجه يساعد علي تفتيح الوجه ‌

_تجربتى الشخصيه 

المنتج كنت جيباه ب٨٠ج

حجمه١٠٠م قاعد معايا كتير جدا أكتر من٥شهور إستخدام كمية صغيرة منه كانت بتكفى كل بشرتى

كنت بستخدمه كل يوم صبح وليل فى أيام كنت بفوتها بس الأغلب كنت بستخدمه بنتظام

ملمسه كريمى وبينضف البشره حلو أوى من غير ما ينشفها

ومن الحجات إلى لحظتها إن الرؤس السوده معايا قلت لما دومة على إستخدامه الخلاصه أحب أقولكم إن المنتج فعلا حلو جدا من المنتجات الروعه إلى إستخدمتها وماتستخسريش فيها فلوسك